IMPIAN HAYANG GAWE DI PERUSAHAAN ELIT, JABATAN HADE, GAJI GEDE, SISTEM PARELE MUNG SAUKUR IMPIAN, COBA CEK IEU. - Jabar Daily

IMPIAN HAYANG GAWE DI PERUSAHAAN ELIT, JABATAN HADE, GAJI GEDE, SISTEM PARELE MUNG SAUKUR IMPIAN, COBA CEK IEU.

ilustrasi orang sukses - Dandy Jurovsky /doc group FB JC

ATI-ATI KAHIRUPAN PROFESIONAL DINA SOSIAL MEDIA

Teu aya maksad mamatahan ngojay ka meri, mung ieu saukur ngabagi pangalaman-pangalaman nyata anu beres kasorang ku diri sorangan.

Maklum, lamun umur jeung jiwa masih ngora biasana egoisna masih keneh hese dileuleusan, hese dipapatahan. Eta ngaranna budak ngora. Intina teu bisa diatur, naon wae anu jadi kahayang diri sorangan biasana ceuk kitu ceuk kieu oge kudu dilakonan kudu jadi kanyataan. Sakali deui eta anu disebut budak ngora.

Ati-ati tina tampilan jeung eusi kahirupan urang dina sosial media, jelas eta bisa jadi buruan hate jeung kahirupan urang samemeh batur langsung panggih sacara fisik jeung urang.

Pangalaman nyata, loba budak ngora boh anu ngan saukur lulusan SMA boh anu lulusan kuliahan ari boga impian luhur hayang gawe di pausahaan anu gede, bonafid, tur ngeunah gawena, pantes jabatanna, gede gajina. Ah saha atuh anu embung ku impian anu kitu, komo mun dina derna jadi kanyataan, diijabah ku Pangeran. Mung omat, Pangeran moal samata-mata ngabulkeun kahayang urang, kacumponan sagala anu dipikaharep ari carana urang masih keneh salah mah, minimal kudu realistis lah. Arti realistis sederhana da, impian kasuksesan hirup heg wae sing lur malahan bisa ngaleuwihan luhurna langit, mung omat carana, lengkahna, strategina kudu jelas, kudu jero ngaleuwihan jerona taneuh anu ditincak.

Ceuk basa kotana mah, “Impian Boleh Tinggi Selangit, Namun Cara harus Membumi. Impian Boleh Tidak Masuk Akal, Namaun Cara Untuk Menembusnya Harus Masuk Akal. harus!”

Anu jadi masalah kiwari, impian laluhur mung masih keneh acan jadi kanyataan da emang carana salah. Gawe ku sagala cara dihantem, ibadah oge dihantem, ngadoa ge bebeakan, tapi naha ngarasa saolah Allah teh koret keur kasuksesan hirup urang? Mineng pan kajadian kasus kitu? Baheula ge kuring sarua, naha Allah teh asa ku koret pisan? Tapi naha batur anu jarang ibadah, malahan beda kayakinan anu tangtu tina segi ibadah ge jauh lah jeung kapercayaan urang, migawe pagawean ge kadang teu sagetol urang, tapi naha asa kudibabarikeun pisan ku Pangeran? Biasana panyakit ieu lamun terus diantep bisa jadi parah pisan, aslina soalna sarua nganggap ka Allah teu adil, pilikasih. Agama nanaon oge ngajarkeun, Allah mah Adil. Terus naon atuh anu kurang? Naon anu salah? Usaha beebakan beres, ibadah dihantem oge teu kurang, tapi naha? Naha? Mung hiji jawabanna, coba cek strategi anu ku urang dipake dina milampah hiji pagawean keur nebus kasuksesan hirup.

Conto sederhana, misal urang lulusan sakola/kampus lumayan bergengsi, nilai oge alus, prestasi loba dibeunangkeun, tapi naha asa hese meunangkeun pagawean anu sasuai harepan? Hiji jawabanna, cek strategina beres pas can? Ari sarua jeung anu dipake ku jalmi umum mah nya dijamin sarua we jeung jalmi umum oge. Ieu conto nyata teu pira gara-gara sosial media impian hayang gawe di tempat elit, posisi/jabatan alus, gaji gede ngan saukur implengan wungkul, teu jadi kanyataan, anu aya malah stres, haharugungan kaditu kadieu. Coba cek kriteria ieu dina sosial media:

1. Email

Loba kasalahan fatal masalah email komo budak ngora kiwari. Misal, loba anu teu apal naon gunana email, ieu mah masalah paling lumrah, da cenah mah boros internet, ribet dll, gampang keneh BBM, WA, jsb. Ah ceuk saha, berarti urang acan apal tur acan praktek elmu nyatana. Kasalahan fatal kadua, nyieun email anu teu make ngaran asli, misal ngaran asli Udin Saripudin (punten bilih aya anu namina sami, ieu mang saukur ilustrasi), der ngaran dina email diganti ku istilah atawa lalandian anu lain. Inget, lamun urang target gawena lain hayang di perusahaan profesional nya teu pati diperhatikeun masalah sepele kieu, tapi kan urang target impianna hoyong di kantor elit, matakna kedah ati-ati. Kauntungan sejenna, lamun urnag beres apal elmu keur nemak parusahaan bada tintangtu parusahaan leuitik ge jauh leuwih gampang.

Aya keneh dina masalah email? Aya, naon deui? Cek email urang upami atos bener nganggo email nami asli, cek kadituna misal tadi emailna udin.saripudin…..cek saatos eta apakah masih keneh aya embel-embel angka teu? Misal udin.saripudin76@gmail.com. Lumayan rada rese ieu masalah sepele teh. Emang naon masalahna? Inget, tim HRD perusahaan elit artina tim HRD-na elit, teu bodo, tur kacida profesional. Cobi mun emailna aya angkaan tadi udin.saripudin76@gmail.com nikmat tur mirasa teu dibacana ku jelema gedean tur profesional sapertos tim HRD? Jelas kacida ngangganggu macana, kaganggu pisan ditingali.

Sepele pan nya. Misal urang ngadebat, ah Kang asa kukacida-cida teuing masalah kitu ge, apan masalahna eta angka teh angka sejarah kang, angka romantis, kenangan, jsb. Yeh, sing tiasa dibejaan, abaikeun heula lah kenangan, cinta nu karitu mah, langkah kahiji urang kumaha carana bisa tembus heula dina kantor elit target pan. Nya atos we tong aya ungka-angka, ngagokan dibacana ge. Anu terakhir, mung saukur saran saena nganggo gmail wae emailna, masalah kunaon-kunaonna masanga kedah gmail, kin urang bahas deui. Ieu selalu terjadi tur kaalaman, gara-gara masalah sepele di luhur, biasana loba kandidat anu teu jadi diulem keur interview, inget kacida sepele pisan kan nya. Tapi eta fatal tur selalu kajadian. Kana tahap interview ge beres gagal dek kumaha aya harepan lolos dina tahap kadituna da di awalna ge beres gagal.

2. Sosial media saperti akun fb, twitter, jsb

Emut, ieu masalah saleresna terusan tina email keneh. Naha? Emut, ngadamel akun sosial media teh kan wajib kedah nganggo email, jadi tetep nyambung. Kieu, misal email tadi beres bener, rapi, tur profesional sapertos kriteria anu tos dijelaskeun di no 1, ayeuna cek anu saterusna, sakali deui emut tim HRD perusahaan elit lain jelema bodo, lain budak kamari. Bahayana lamun email urang dipake langsung dina sosial media (sanes nganggo email lain) gampang pisan dicekna dina sosial media. Misal emailna anu tadi udin.saripudin@gmail.com (beres bener, ngangge nami asli, rapi teu aya angka, tur make gmail) eh pas dicek dina sosial media ternyata email eta teh akun fb-na (pas dicopy paste dina kolom pencarian ngangge email) ternyata akunna jadi akun alay, misal Udhin Clalu Cyang Kamu Clamanya….bala bala anu panyang pisan, ngerakeun pisan. Cobi emutan ku logika sederhana, perusahann target teh perusahaan elit maneya arek narima kandidiat karyawan anu tampilan awalna ge tos mengecewakeun? Maranehna (tim HRD) pasti mikir, maenya karyawan kantor urang ke eusian budak alay tur lebay kabeh? Teu mungkin pan.

So, rapikeun saengalna nami akun sosial media urang boh fb boh twitter boh anu laina.

Aya keneh teu? Aya, naon deui? Perhatikeun status-status jeung foto-foto urang dina kahirupan sapopoe sosial media, misal nami akun email sareng sosial beres rapi Udin Saripudin eh ari dek teh eusi statusna ngeluh wae, negatif wae, lebay deui pan. Misal, “Duch, cakit perut nich.” “Duh, kehujanan nih, gak ada yang ngejemput lagi.” Pan lebay pisan, banget norak. Ceuk tim hrd, aduh kahirupan sapopoena ge beres keluh kesah kieu, komo ke mun beres dibere tugas pagawean, ah bisa moal beres urusan kantor. antukna gagal, dihapus weh tina daftar interview teh, tong boroning hayang jadi kanyataan gawe di tempat elit, tina daftar calon anu dipanggil keur interview ge beres gagal, dihapus. Kacida teu sapira mung fatal.

Nembe dua heula, eta pangalaman abdi anu nyata pisan. Sok hayu urang ngeureuyeuh rapikeun ti ayeuna.

Pamugi katampi ku sadayana.

Coach @Altar_King